Fjordopplevingar

Sykkylvsfjorden er ein del av Storfjorden som går frå Ålesund og heilt inn til Tafjord og Geiranger. Hjørundfjorden, med innløp midt i mellom Sykkylven og Ørsta, er også ein fjordarm av Storfjorden.

Om du likar deg over eller under vasskorpa er sommaren på fjorden forfriskande. Etter ein dukkert i sjøen kan du på ein kaldversdag få varmen igjen i Fjølg Sauna i Sykkylven Småbåthamn. Haugneset er den offentlege badestranda nær sentrum, rett nedom Sjøbakken Fjordcamping. Om du likar varmare badevatn, anbefaler vi Ikornnes Friluftsbad.

På eiga kjøl, med padleåre, segl eller motor kan du kombinere sjøliv med fjellturar og andre opplevingar i dei to gjestehamnane våre. Men hugs — straumen i fjorden og vinden frå dei høge fjella krev at du held auge med tilhøva.