Sykkel i Sykkylven

I Sykkylven finn du mange fine alternativ for sykkelturar, i terreng eller langs landeveg. Det er fint for både små og store, for rolege turar eller meir krevjande turar. Du kan kombinere sykkelturen med fjordcruise mellom Magerholm og Aursneset, mellom Hundeidvik og Festøya og over til Solavågen, om du ikkje ønskjer lengre tur over Strandafjellet. Ved Ikornnes kan du vitje eit herleg oppvarma symjebasseng, hjå Berit og Karl på Blakstad Gard kan du ta ein kaffi- og ispause og la barna kose med dyra der, og hjå Kjellbjørn på Cylindra får du oppleve kunstdesign av Noregs framste møbeldesignar Peter Opsvik. I tillegg har du mange gode kafé- og restauranttilbod langs vegen.