Sessvatnet 168 moh

Ikornnes

Dette er eit idyllisk område, og ein fin tur på for store og små. Denne turen tek om lag 45 min og kan kategoriserast som ein enkel tur.

 

Startpunkt ved Ekornes fabrikker på Ikornnes, følg Meirivegen og ta til venstre opp Geila. Køyr til du kjem til ein bomveg, der er det parkeringsplass på begge sider av vegen.

Denne turen byrjar med ein fin grusveg, når du har gått eit stykke kan du velje om du vil fortsetje å følgje vegen eller ta til venstre inn på ein grussti. Du kan gå heile vegen rundt vatnet, der er satt ut benkar ulike stadar langs vegen der ein kan ta ein velfortent pause.